एकीकृत निर्देशिका तयार हुँदैछ : अध्यक्ष ओझा

काठमाडौँ– नेपाल बीमा प्राधिकरणका अध्यक्ष शरद ओझाले एकीकृत निर्देशिका तयार पार्ने काम भइरहेको जानकारी दिए ।

इकोनोमिक मिडिया एसोसिएसन नेपाल (इमान)ले आइतबार काठमाडौंमा आयोजना गरेको कार्यक्रममा अध्यक्ष ओझाले प्राधिकरणबाट विगतमा जारी भएका निर्देशनहरुलाई एकीकृत निर्देशिकाका रूपमा ल्याउन लागिएको जानकारी दिएका हुन्

उनले बीमा क्षेत्रलाई सहज गर्न प्राधिकरणले आवश्यक सहजीकरण गर्ने प्रतिवद्धता जनाए । ओझाले बीमा कम्पनीले आफ्नो आन्तरिक सुशासन र स्वनियमन कायम राख्नुपर्ने भन्दै प्राधिकरणले आवश्यक नियामकीय हस्तक्षेप गर्ने स्पष्ट पारे ।

बीमा क्षेत्रले राष्ट्रलाई पुर्‍याउन सक्ने योगदानलाई ध्यानमा राखेर प्राधिकरणले काम गर्ने उनको भनाई छ । उनले यस क्षेत्रको सुधारका लागि बीमक संस्थाहरू, मध्यस्थतकर्तालगायत सरोकार निकायसँग निरन्तर छलफल र सुझाव लिने काम भइरहेको जिकिर गरे ।