काठमाडौँ – सांसद विन्दा पाण्डेले उपसभामुखको निर्वाचन अविलम्ब गर्नुपर्ने माग गर्दै युवापुस्तालाई समेटने गरी बजेट ल्याउन जरुरी भएको सुझाव दिइन् ।
ADVERTISEMENT
प्रतिनिधिभसभाको आजको बैठकमा सरकारले आर्थिक वर्ष २०७९/८० को राजस्व र व्ययको वार्षिक अनुमान (बजेट) माथि सैद्धान्तिक छलफलका विषयमा उनले अहिलेका युवापुस्ताले बजेटका शब्दशब्दमा आफ्नो भविष्य खोजिरहेको हुनाले नीति, बजेट र कार्यक्रम बनाउँदा नयाँपुस्तालाई ध्यान दिनेगरी ल्याउनुपर्ने सुझाव दिइन्।
ADVERTISEMENT
सांसद गङ्गा चौधरी सत्गौवाले बजेट चुनावमुखी भएको उल्लेख गर्दै एक हजार ४५० सडकको बजेट कहाँ गयो, यसको जवाफ अर्थमन्त्रीले दिनुपर्ने माग गरिन् । उनले २५ जिल्लामा महिलालाई सुत्केरी भत्ता दिने सरकारले बजेटमा ल्याएको छ तर समानरुपमा ७७ जिल्लाकै महिलालाई सुत्केरी भत्ता दिनुपर्ने उनको भनाइ थियो ।
सांसद सुजाता परियारले नेपाली उत्पादनमा वृद्धि र स्वेदेशी वस्तु र उत्पादन बढाउने खालको भएको, मुसहरसहित विपन्न आवास तथा जमिन दिने व्यवस्था गरिएको उल्लेख गरिन् । सांसद नवीना लामाले महँगी अत्यधिक बढेको छ, शिक्षा र स्वास्थ्यमा विभेद देखिएको छ, सामाजिक सुरक्षामा भत्ता दिँदा विपन्न र पछाडि परेकालाई दिँदा अझ राम्रो हुने उल्लेख गरिन् ।
सांसद नवराज रावतले कृषि क्षेत्रमा राम्रो बजेट आए तापनि किताबमा सीमित रहने र मल ल्याउने कुरामा बढी ध्यान दिनुपर्छ भने । सांसद राजबहादुर बुढाले शिक्षाजस्तो महत्वपूर्ण विषयमा बजेट घटेको र विज्ञान र प्रविधिलाई आफ्नो बनाउन सकिएन भने मुलुकको स्वाधीनता पछाडि पर्ने सुझाव राखे।
सांसद जगतबहादुर विश्वकर्माले शोषण, उत्पीडित र दलित समुदायलाई माथि उठाउन बजेटमा रकम छुट्याउन सुझाव दिए । सांसद रेखाकुमारीले महँगी बढेको तर बजेटमा महँगी घटाउने विषयमा कुनै पनि कार्यक्रम नभएको उल्लेख गर्दै गरिबलाई अझ गरिब र धनीलाई अझ धनी बनाउने बजेट आएको बताइन् ।
सांसद शान्तिमाया पाख्रिन तामाङले सरकारले महत्वाकाङ्क्षी बजेटमा ल्याएको र कार्यान्वयन हुनेमा कठिनाइ देखिएको सुझाव दिइन् । सांसदहरु शान्ता चौधरी र आशाकुमारी विकले बजेटमा आन्तरिक पूँजी वृद्धि र युवालाई रोजगार दिने योजना भएको बताए ।
