काठमाडौं – नेपाल प्रहरीको केन्द्रीय अनुसन्धान ब्यूरो सीआईबीका निर्देशक एवम् डीआईजी धिरजप्रताप सिंहले अर्को सफलता प्राप्त गरेका छन् । सीआईबीले दाङको तुलसीपुर उप–महानगरपालिकाका मेयरका छोरा अनुप पाण्डेलाई काठमाडौंमा पक्राउ गरेसँगै डीआईजी धिरजप्रताप सिंहले कार्यकालको अर्को सफलता पाएका हुन् ।
ADVERTISEMENT
दाङको तुलसीपुर उप–महानगरपालिका ८ अश्वार बस्ने मेयरका छोरा अनुप पाण्डेलाई ठूलो रकम बैंकिङ कसुरको आरोपमा पक्राउ गरिएको छ ।
ADVERTISEMENT
कसुरका आरोपी अनुप पाण्डे
बैकिङ कसूर मुद्दाका फरार प्रतिवादी ३० वर्षीय पाण्डेलाई शनिबार प्रहरीले पक्राउ गरेको सीआईबीका निर्देशक एवम् डीआईजी धिरजप्रताप सिंहले जानकारी दिएका छन् ।
ब्यूरोको महाराजगञ्ज मुख्यालयबाट खटिएको प्रहरीले पाण्डेलाई काठमाडौं महानगरपालिका–३२ काँडाघारीबाट पक्राउ गरेको जनाएको छ । जिल्ला प्रहरी कार्यालय दाङ घोराहीमा बैंकिङ कसूर मुद्दा दर्ता भई उच्च अदालत तुलसीपुरबाट २०७८ फागुन २५ गते पक्राउ अनुमति जारी भएको थियो ।
ईनजिनियरिङ एण्ड ईन्फ्रा प्रोजेक्ट प्रालिबाट साईड ठेक्का सम्झौता गरी निर्माणको जिम्मा लिएका पाण्डेले पीडितको सवारी साधन प्रयोग गरी सवारी साधनको भाडा बापतको भुक्तानी गरेका थिएनन् ।
पाण्डेले १ करोड ४४ लाख १७ हजार ७ सय ७६ रूपियाँमध्ये सानिमा बैंकको प्रर्याप्त मौज्दात नभएको चेकमार्फत १ करोड ८ लाख ५७ हजार ७ सय ७६ रूपियाँ रकम भएको चेक दिई बैकिङ कसूर गरेको अनुसन्धानबाट खुल्न आएको विज्ञप्तिमा उल्लेख छ ।
पाण्डेलाई थप अनुसन्धान तथा कारबाहीको लागि जिल्ला प्रहरी कार्यालय दाङ पठाइनेछ । पक्राउ परेका पाण्डे एमालेका नेता एवम् तुलसीपुर उप–महानगरपालिकाका मेयर घनश्याम पाण्डेका छोरा हुन् ।
खातामा नभएको ठूलो रकम चेक बाउन्स हुने गरी बैंकिङ कसुर गरेपछि केन्द्रीय अनुसन्धान ब्यूरो सीआईबीका निर्देशक एवम् डीआईजी धिरजप्रताप सिंहले पाण्डेलाई खोज्न प्रहरीको टोली खटाएका थिए । राजनैतिक पावरको आडमा बैंकिङ कसुर र पीडितको उजुरीको आधारमा पाण्डेलाई पक्राउ गरिएको डीआईजी सिंहले जानकारी दिए ।
मेयर पाण्डे एमालेका अध्यक्ष खड्गप्रसाद ओली र महासचिव शंकर पोखरेल निकटका मानिन्छन् । एमाले सत्तामा हुँदा आफ्ना बुबा घनश्याम पाण्डेको पावर लगाएर बच्दै आएका ठेकेदार पाण्डेलाई सीआईबीले पक्राउ गरेर कानूनी दायरमा ल्याएको हो ।
