काठमाडौँ – नेकपा एमालेका अध्यक्ष केपी शर्माओलीले राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनलाई भर्खर जन्मिएको बाच्छोको संज्ञा दिएका छन् ।
ADVERTISEMENT
शुक्रबार काँग्रेसको १४औँ महाधिवेशनको उद्घाटन समारोहलाई सम्बोधन गर्दै राप्रपाका अध्यक्ष लिङ्देनले देशमा राजतन्त्रको आवश्यकता रहेको बताएका थिए । मन्तव्यका क्रममा लिङ्देनले भनेका थिए, ‘अब देशमा राष्ट्र प्रमुखको रुपमा राजसंस्था र जनताले सोझै निर्वाचित गर्ने प्रधानमन्त्री, पूर्ण समानुपातिक संसद, सांसदले मन्त्री हुन नपाउने नयाँ व्यवस्था लागू गरेर जाऔँ ।’
ADVERTISEMENT
शुभकामनाकै क्रममा लिङ्देनलाई जवाफ फर्काउँदै अध्यक्ष ओलीले भर्खर भर्खर जन्मिएको बाच्छो कुद्न जान्दैन अलि बढी कुद्छ भन्दै कटाक्ष गरेका हुन् ।
आाज पनि नागरिक स्वाभिमान विपरितका सिद्धान्त बोकेर हिंडेको भन्दै आश्चर्य व्यक्त गरे । ओलीले भने, ‘कोही जन्मिँदै शासक भएर जन्मिन्छ भन्ने निराधार सिद्धान्त, संयुक्त राष्टसंघका विरुद्धका सिद्धान्त, नागरिक स्वाभिमानका विपरितका सिद्धान्त बोकेर हिंड्ने । हरेक नेता चोर हुन्छ, यस्ता कुरा बोकेर हिंड्ने ।’
ओलीले अघि थफे ‘हुन त भर्खर भर्खर अध्यक्ष छानिएको । रापताप होला साथीहरुको । भर्खरभर्खरको बाच्छो हिंड्न जान्दैन, अलि बढी कुद्छ । नयाँ नयाँ अध्यक्ष भएको अलिअलि रापताप होला । अलि समयमा ठिक आउला ।’
लिङ्देन मंसिर १९ गते भएको राप्रपाको महाधिवेशनबाट कमल थापालाई हराउँदै अध्यक्षमा निर्वाचित भएका थिए ।
