काठमाडौं – अख्तियार दुरुपयोग अनुसन्धान आयोगले मकवानपुर जिल्लाको कैलाश गाउँपालिकाका अध्यक्षसहित ५ जनाविरुद्ध विशेष अदालतमा भ्रष्टाचारको मुद्दा दायर गरेको छ ।
ADVERTISEMENT
गाउँपालिकाका अध्यक्ष टंकबहादुर मुक्तानसहितको टोलीले युवा क्षमता विकास तालिम र आधारभूत पत्रकारिता तालिम कार्यक्रम सञ्चालन गर्दा आर्थिक अपचलन र हिनामिना गरेको अख्तियारले ठहर गरेको छ ।
ADVERTISEMENT
शुक्रबार विशेष अदालतमा आरोपपत्र दायर गर्दै अख्तियारले भ्रष्टाचारमा मुछिएका मुक्तानसहितको टोलीबाट बिगो रकमसमेत माग गरेको छ । मुक्तान एमालेबाट गाउँपालिकाको अध्यक्षमा निर्वाचित भएका थिए ।
मुक्तानले गाउँपालिकाभित्र विभिन्न आर्थिक अपराध गरेको भनेर आरोप लागेका बेला अख्तियारले एउटा काण्डमा मुद्धा चलाएको छ । अख्तियारले भ्रष्टाचारको मुद्दा दायर गरेपछि अध्यक्ष मुक्तानसहितका एमाले नेता र कर्मचारी तथा एमालेका पत्रकारहरूभित्र खैलाबैला भएको छ ।
आर्थिक वर्ष २०७५र७६ मा युवा क्षमता विकास तालिम र आधारभूत पत्रकारिता तालिम कार्यक्रम सञ्चालन गर्दा अनियमितता गरेको भन्ने उजुरी परेपछि अख्तियारले छानविन र अनुसन्धान गरेको थियो ।
आधारभूत पत्रकारिता तालिम र युवा क्षमता विकास तालिम सञ्चालन वापत भएको गरेको कामभन्दा बढी २ लाख ६० हजार ९ सय भुक्तानी गरि लिएर दिएको पुष्टि हुन आएको भन्दै अख्तियारले सो कार्यक्रममा छ जना व्यक्तिहरूले भ्रटाचार गरेको ठहरसहित आरोपपत्र दायर गरेको प्रवक्ता नारायणप्रसाद रिसालद्वारा जारी विज्ञप्तिमा उल्लेख छ ।
अख्तियारले गाउँपालिकाका अध्यक्ष टंकबहादुर मुक्तान, फिलिंगो मिडियाका सञ्चालक रामकुमार रिजाल, कैलाश गाउँपालिकका तत्कालीन प्रमुख प्रशासकीय अधिकृत लोकबहादुर कुसारी र आन्तरिक लेखापरीक्षक त्रिलोक थापा मगर र सामाजिक विकास अधिकृत मोहनप्रसाद पौडेलविरुद्ध आरोपपत्र दायर गरेको छ । यसरी मिलिजुली गाउँपालिकाको रकममा अनियमितता गर्ने यो गिरोह सबै एमाले हुन् ।
