काठमाडौँ – सरकारले २ वर्षभित्र साक्षर नेपाल घोषणा गरिने जनाएको छ ।
शुक्रबार संघीय संसदमा सरकारका नीति तथा कार्यक्रम सार्वजनिक गर्दै राष्ट्रपति विद्यादेवी भण्डारीले उक्त जानकारी दिएकी हुन् । ३ वर्षभित्र सबै प्रदेशमा निदान केन्द्र स्थापना गरिने, टेलिमेडिसिन मार्फत २४ घण्टा स्वास्थ्य सेवा उपलब्ध गराउने सरकारको योजना छ ।
भक्तपुरको दुवाकोटमा वीर अस्पतालको अत्याधुनिक भवन निर्माण सुरु गरिने, राष्ट्रपति महिला उत्थान कार्यक्रमको पुनरावलोकन गरिने, सिमसार क्षेत्रको संरक्षण र वुद्धिमत्तापूर्ण उपयोग गरि पर्यापर्यटन विकास गरिने सरकारको योजना छ ।
सबै नेपालीको घरमा विजुली पुर्याइने सरकारले जनाएको छ । विद्युतीय सवारी साधन प्रोत्साहन गरिने, काठमाडौं उपत्यका र ठूला सहरमा सरकार र निजी क्षेत्रको सहभागीतामा विद्युतीय सवारी साधन चलाउने सरकारको योजना छ ।