काठमाडौँ – आगामी वर्ष १ हजार मेगावाट विद्युत उत्पादन गरिने सरकारले जनाएको छ ।
शुक्रबार संघीय संसदमा सरकारका नीति तथा कार्यक्रम सार्वजनिक गर्दै राष्ट्रपति विद्यादेवी भण्डारीले उक्त जानकारी दिएकी हुन् । आम नेपालीको स्वामित्व हुने गरी विद्युत आयोजनामा लगानी जुटाइ ३ हजार ५ सय मेगावाट उत्पादन गरिने सरकारको योजना छ ।
सबै नेपालीको घरमा विजुली पुर्याइने सरकारले जनाएको छ । विद्युतीय सवारी साधन प्रोत्साहन गरिने, काठमाडौं उपत्यका र ठूला सहरमा सरकार र निजी क्षेत्रको सहभागीतामा विद्युतीय सवारी साधन चलाउने सरकारको योजना छ ।