अभिनेता नाजिर हुसेनले नायिका केकी अधिकारीसँग ‘अनस्क्रिन रोमान्स’ गर्ने भएका छन् । सामाजिक कथावस्तुमा आधारित फिल्म ‘राज्जा रानी’ को आइतबार घोषणा गरेसँगै सफलताको स्वाद चाखिसकेका अभिनेता नाजिर हुसेन र नायिका केकी अधिकारी पहिलोचोटी संगै देखिने भएका हुन् ।
‘कोहिनुर’, ‘शब्द’, ‘वीरविक्रम’ र ‘के म तिम्रो होईन र’ फिल्मका स्क्रिप्ट समेत लेखेका याम थापाले पहिलो पटक यसै फिल्मबाट निर्देशन थाल्ने भएका छन् । फिल्म प्रेम कथाले भरिपूर्ण भएको र तराई पृष्ठभूमीको रहेको बताउँदै यामले भने ‘तराईमा बोलिने भाषा र संवेदनामाथि फिल्म बनाउन लागेका हौँ ।’ फिल्ममा रानीको भूमिकामा देखिन लोगेकी केकीले भनिन् ‘दर्शकले रानी चरित्रबाट पूर्णतः मनोरञ्जन लिनुहुन्छ । हाम्रो जोडीपनि रोमान्टिक छ ।’

फिल्ममा कामेश्वर चौरासिया, लक्ष्मी बर्देवा, सँगीता नापित, अरुण रेग्मी, दिपक क्षेत्री लगायतको समेत अभिनय रहनेछ भने तारा प्रकाश लिम्बु र दिपक शर्माको सँगीत रहने छ । पुरुषोत्तम प्रधानले खिच्ने यस चलचित्रलाई रमेश एमके पौडेलले निमार्ण गर्न लागेका हुन् ।


ADVERTISEMENT

# # #


प्रतिकृया

प्रतिकृया