बालुवाटार बैठकको निस्कर्ष : गृहमन्त्रीको राजीनामा असम्भव, सदनमा जवाफ दिने तयारी

काठमाडौँ– प्रधानमन्त्री निवास बालुवाटारमा आज बसेको शीर्ष नेताहरूको छलफलले गृहमन्त्री रमेश लेखकको राजीनामा असम्भव रहेको निष्कर्ष निकालेको छ। बैठकमा भिजिट भिसा प्रकरणमा उठेका प्रश्नबारे गृहमन्त्रीले प्रत्यक्ष रूपमा संसदमा जवाफ दिने निर्णय समेत गरिएको छ।

प्रधानमन्त्री पुष्पकमल दाहाल ‘प्रचण्ड’सँगको छलफलमा नेपाली कांग्रेसका सभापति शेरबहादुर देउवा, उपसभापति पूर्णबहादुर खड्का, गृहमन्त्री लेखक तथा प्रमुख विपक्षी दल एमालेका मुख्य सचेतक महेश बर्तौला सहभागी थिए।

बैठकपछि बोल्दै बर्तौलाले भने, ‘हिजो प्रतिपक्षले बैठक स्थगनको माग गरेको थियो, आजसम्मका लागि समय मागिएको हो। तर यदि माग स्वीकृत नभए पनि गृहमन्त्री संसदमा उपस्थित भएर आफूमाथि उठेका प्रश्नको जवाफ दिनुहुन्छ।’

उनका अनुसार गृहमन्त्री लेखकले संसदभित्र र बाहिर आफूलाई लक्षित गरी उठाइएका सबै प्रश्नको जवाफ दिने तयारी गरेका छन्। सरकार भिजिट भिसा सम्बन्धी प्रकरणमा पारदर्शी रहने बताउँदै संसदमार्फतै स्पष्टीकरण दिने योजनामा रहेको छ।

यसका लागि सभामुखसँग विशेष समय व्यवस्थापनको अनुरोध गरिने पनि बर्तौलाले जानकारी दिए।

यस बैठकले हाल गृहमन्त्रीको राजीनामा आवश्यक नभएको ठहर गर्दै, संसदीय प्रक्रिया मार्फत जवाफ दिने मार्ग रोज्ने निर्णयमा एकमत भएको जनाइएको छ। फाइल तस्बिर