आजको विश्वमा लोकतान्त्रिक व्यवस्थाको विकल्प छैनः उपप्रम थापा

हेटौँडा– राष्ट्रिय प्रजातन्त्र पार्टीका अध्यक्ष एवं उपप्रधानमन्त्री कमल थापाले लोकतान्त्रिक गठबन्धनको विजयले मुलकलाई आर्थिक समृद्धितर्फ लैजाने बताएका छन् । मकवानपुरको गढी गाउँपालिकामा आज आयोजित चुनावीसभालाई सम्बोधन गर्दै नेता थापाले २१ औं शताब्दीमा लोकतान्त्रिक व्यवस्थाको विकल्प हुनै नसक्ने बताए ।

“सर्वसत्तावादी चिन्तन र मान्यता जनतालाई स्वीकार्य हुन सक्दैन, जनताको सपना र चाहना लोकतान्त्रिक व्यवस्थामा मात्र सम्भव भएकाले आउँदो निर्वाचनमा लोकतान्त्रिक गठबन्धनलाई नेपाली मतदाताले विजयी गराउने छन्” उनले भने । सभामा मकवानपुर प्रदेश (क) का उम्मेदवार धर्म लामिछानेले लोकतान्त्रिक गठबन्धनको जित सुनिश्चित भएको जिकिर गरे ।