प्रचण्ड भन्छन्, माओवादीमा एकदम लोकतान्त्रिक तरिकाले नेतृत्व चयन हुन्छ

काठमाडौं  नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले लोकतान्त्रिक तरिकाले नेतृत्व चयन हुने बताएका छन् ।

बुधबार आठौं महाधिवेशन अन्तर्गतको बन्द सत्र कार्यक्रमबाट बाहिरिने क्रममा छोटो प्रतिक्रिया दिँदै प्रचण्डले भने – ‘राम्रोसँग, एकदम लोकतान्त्रिक तरिकाले नेतृत्व चयन हुन्छ।’

हिजो दुई प्रतिवेदनमाथि २५ समूहमा छलफल भएको थियो । आज ११ समूहले समूहगत छलफलको निष्कर्ष सुनाएका थिए । भोलि बाँकी १४ समूहले निष्कर्ष सुनाएपछि नेतृत्व चयनको प्रक्रिया सुरु हुने छ ।