सर्वाेच्च विवाद : प्रधानन्यायाधीश जबरामाथि महाअभियोग लगाउन अध्यक्ष ओलीलाई बारको गुहार

काठमाडौँ– प्रधानन्यायाधीश चोलेन्द्र शमशेर जबराको राजीनामा माग राखेर झण्डै डेढ महिनादेखि आन्दोलन गरिरहेका न्यायधीश समूहले नेकपा एमाले अध्यक्ष एवम् पुर्व प्रधानमन्त्री केपी शर्मा ओलीलाई गुहारेका छन् ।

प्रधानन्यायाधीश चोलेन्द्र शमशेर जबरामाथि महाअभियोग लगाउन सहयोगको अपिल गर्दै नेपाल बार र सर्वोच्च बारका पदाधिकारीसहित हडताली न्यायाधीश एवम् सहयोगी वकिलहरुले आज ओलीलाई भेट गरेका हुन् ।

एमाले सहमत नभएसम्म महाअभियोग पारित नहुने र प्रधानन्यायाधीशविरुद्ध सत्ता गठबन्धनले महाअभियोग लगाएमा एमालेले परमादेश जारी गर्ने अन्य चार न्यायाधीशविरुद्ध पनि महाअभियोग लगाउने निश्चित रहेकाले बारका प्रतिनिधि मण्डलले ओलीसंग भेटवार्ता गरेको हो । यसका लागि वरिष्ठ अधिवक्ता तथा नेपाल बारका पूर्वअध्यक्ष शम्भु थापाको टोली बालकोट पुगेको थियो ।

ओली विरुद्धको सडक र अदालतमा नेतृत्व गरेका थापाले सो भेटमा ओलीलाई जनतालाई सम्प्रभु सत्ता सम्पन्न बनाउन उनले लामो कारागार जीवन भोगेको स्मरण गराउँदै सहयोगको अपिल गरेका छन् ।