काठमाडौँ – संसदीय सुनुवाइ समितिका सभापति एवं लोसपा नेता लक्ष्मणलाल कर्णले अर्को व्यक्ति नभएर बाध्यतावश चोलेन्द्र शमशेर जबरालाई प्रधानन्यायाधीश बनाइएको बताएका छन् ।


ADVERTISEMENT


सोमबार नेपाल बार एसोसिएसनले बुझाएको ज्ञापनपत्र ग्रहण गर्दै कर्णले जवरालाई नबनाउँदा सर्वोच्च अदालत नेतृत्वविहीन हुने तत्कालिन अवस्थामा देखिएकाले सुनुवाई समितिले बाध्यतावश अनुमोदन गरेको बताएका हुन् । उनले एउटा परिस्थितिमा जवरालाई प्रधानन्यायाधीश बनाइएको भन्दै जवराले नसोचेको काम अदालतमा गरेको तर्क गरे ।


ADVERTISEMENT

# # #


उनले जवराले अब पद खाली गरेर संस्थालाई जोगाउनुपर्ने बताए । कर्णले बारको आन्दोलनमा राजनीतिक रुप नदेखिनु सकारात्मक पक्ष भएको उल्लेख गरे ।

त्यस्तै कर्णले बारमा भएको प्रहरी हस्तक्षेप दुर्भाग्यपूर्ण भएको भन्दै दुख व्यक्त गरे । विभिन्न माग राख्दै बारले सोमबार बिभिन्न दलहरुलाई ज्ञापन पत्र बुझाएको हो ।