पारुको स्वर, शब्दमा ‘यो माया होइन र’ सार्वजनिक (भिडियो सहित)

काठमाडौं– ‘तिम्रो तृष्णा’ बोलको पहिलो गीत पश्चात् बेलायतमा रहेकी गायिका पारु राईले आफ्नो नयाँ म्युजिक भिडियो ‘यो माया होइन र’ सार्वजनिक गरेकी छिन् ।

समाजको यथार्थ चित्रण गरिएको भनिएको यो गीतमा दर्शकले त्रिकोणात्मक प्रेमकथा देख्न सक्नेछन् । गायिका पारु राईको स्वर, शब्द रहेको उक्त गीतमा गायक मनोज थापा मगरको संगीत र संगीत संयोजन रहेको छ।

बेलायतका विभिन्न रमणीय स्थलहरुमा छायांकन गरिएको यस भिडियोमा विपना गुरुङ, मण्डल थेबे र पारु राई फिचर्ड छन्। विशेष भूमिकामा दिलिप राईको समेत अभिनय देख्न सकिन्छ।

पारु राई र सुर्य मोक्तान तामाङ सहायक निर्देशक रहेको भिडियोलाई कुशल श्रेष्ठको छायांकन र निर्देशनमा तयार पारिएको हो। गायक थापा मगरको आधिकारिक च्यानल ‘मनोज थापा मगर’ मार्फत भिडियो सार्वजनिक भएको छ ।

निकै मिहिनेत साथ तयार पारिएको यो भिडियोलाई दर्शक र स्रोताले मन पराइदिने निर्माण टिमले आशा राखेका छन् ।

भिडियो हेर्नुहोस् :