आन्तरिक राजश्व कार्यालयका कम्प्युटर अपरेटर ४३ हजार घुससहित रंगेहात पक्राउ

काठमाडौँ –अख्तियार दुरुपयोग अनुसन्धान आयोगले आन्तरिक राजश्व कार्यालय बालाजुका कम्प्युटर अपरेटर राजन शर्मालाई ४३ हजार घुस लिँदै गर्दा रंगेहात पक्राउ गरेको छ ।

शर्मालाई टिमुर किचन रेष्टुरेन्ट ढुङ्गेधारा, बनस्थलीका संचालक सन्तोष थापा मगरसँग कर तिर्न सहजिकरण गरिदिए वापत्र ४३ हजार रुपैँया बढी लिँदै गर्दा पक्राउ गरिएको अख्तियारले जनाएको छ ।

अख्तियारको टङ्गालबाट खटिएको टोलीले शर्मासहित घुस दिने सन्तोष थापा मगरलाई बालाजुस्थित कार्यालय परिसरबाटै मंगलबार नियन्त्रणमा लिएको हो । उनीहरुमाथि थप अनुसन्धान भइरहेको अख्तियारले जनाएको छ ।