काठमार्डौँ – प्रधानमन्त्री केपी शर्मा ओलीका प्रमुख सल्लाहकारसहित सचिवालयमा अधिकांशलाई कोरोना संक्रमण देखिएपछि जोखिम बढेको छ । शुक्रवार गरिएको स्वाब संकलनमा परिक्षणमा प्रधानमन्त्रीका प्रमुख सल्लाहकार विष्णु रिमाल, प्रेस सल्लाहकार सूर्य थापा‚ फोटो पत्रकार राजन काफ्ले‚ परराष्ट्र सल्लाहकार डा राजन भट्टराई र प्रमुख स्वकीय सचिव इन्द्र भण्डारी लगायतलाई कोरोना पोजेटिभ पुष्टि भएको छ ।
सचिवालयमा नै अधिकांशलाई कोरोना देखिएपछि जोखिम बढेपछि प्रधानमन्त्री ओलीले सबै औपचारिक र अनौपचारिक भेटघाट बन्द गरेका छन् । प्रधानमन्त्री निवास संक्रमणको उच्च जोखिममा भएपछि सबै भेटघाट बन्द गरिएको प्रधानमन्त्रीनिकट स्थायी कमिटी सदस्य सुवासचन्द्र नेम्वाङले बताए।
यद्यपि, शनिवार नै प्रधानमन्त्री ओलीको पनि स्वाब परिक्षण गरिएकोमा शनिवार साँझ रिपोर्ट आएकोमा उनलाई कोरोना नभएको पुष्टि भइसकेको छ ।