विराटनगर — कोरोना भाइरसका कारण विदेशबाट फर्कन नपाएका, फर्कन चाहने र स्वदेश फर्किएका प्रदेशका नागरिकहरुको प्रदेश १ सरकारले तथ्यांक संकलन प्रक्रिया सुरु गरेको छ ।

तथ्यांक अनलनाइनबाट संकलन सुरु गरिएको छ । वैदेशिक रोजगारमा संलग्न, नेपाल फर्कन चाहने अनि फर्किसकेकाहरुको समेत तथ्यांक संकलन गरिने भएको हो ।


ADVERTISEMENT

# # #


तथ्यांक संकलन गर्ने फारमको मुख्यमन्त्री शेरधन राईले मंगलबार शुभारम्भ गरे । जेठ ५ गतेको मन्त्रिपरिषद्को बैठकले विदेशमा रहेका प्रदेश १ का नागरिकहरुको अनलाइन फारम तयार गरेर तथ्यांक संकलन गर्ने निर्णय गरेको थियो ।

प्रदेश सरकारको ‘https://helpline.p1.gov.np/’ वेबसाइटमा आफ्नो विवरणसहितको फारम भर्न सकिने प्रदेश सरकारले जनाएको छ ।

प्रतिकृया

प्रतिकृया