‘द हण्ड्रेड’का लागि सन्दीप लामिछाने डेढ करोडमा अनुबन्ध

काठमाडौँ – काठमाडौं । नेपालका युवा स्टार सन्दीप लामिछानेले ‘द हन्ड्रेड’ क्रिकेट लिग खेल्ने भएका छन् । आइतबार राति भएको ‘द हन्ड्रेड’ को ड्राफ्टबाट ओभल इन्भेन्सिब्लेसले सन्दीपलाई एक लाख पाउण्डमा आफ्नो टिममा अनुबन्ध गरेको हो ।

योसँगै सन्दीपले एक करोड ४६ लाखभन्दा बढी नेपाली रुपैयाँ पारिश्रमिक पाउने छन्

सन्दीपसँगै यो टिममा साम करान, सुनिल नारिने, ज्यासन रोय, साम विलिङ्स, रिली रोसउव, टोम करान, रिस टोप्लिय, हर्डस भिल्जेन, फवियन एलन, एलक्स ब्लाक, विल ज्याक्स, क्रिस वोड, नाथन सोवटर र लउरी इभान्स रहेका छन् ।

इंग्ल्याण्ड र वेल्स क्रिकेट बोर्डले आयोजना गर्ने प्रतियोगितामा ८ टिम रहने छन् । डबल राउण्ड रोविनको आधारमा सञ्चालन हुने प्रतियोगिता सन् २०२० मा हुनेछ ।