काठमाडौं । झापा दमक घर भएका लक्ष्मी चापागाईले लाईसेन्स बनाउन दिएको एक बर्ष भयो । कतार एयरवेजको दोहा स्थित ड्युटी फ्रिमा काम गर्ने उनले अघिल्लो बर्षको दशैंमा स्वदेश आउँदा बनाउन दिएको लाईसेन्स यो बर्षको तिहारमा घर आउँदा समेत पनि नपाउने भएका छन् । कारण, एक बर्ष लगाएर बल्ल बल्ल प्रिन्ट गरेको लाईसेन्स नै बिग्रिएकाले फेरी प्रिन्ट गर्नुपर्ने भयो । यातायात विभागका अनुसार उनले लाईसेन्स पाउन अझै दुई तीन महिना कुर्नुपर्नेछ ।
ADVERTISEMENT
लक्ष्मी मात्रै होईन नयां लाईसेन्स बनाउने र नविकरण गर्न दिएकाहरु सबैले एक बर्ष भित्र स्मार्ट भनिएको लाईसेन्स नै पाउन सक्दैनन् । लाईसेन्स बन्यो की भन्दै पटक पटक सम्बन्धित कार्यालयमा बुझ्न जाँदा सर्बसाधारणहरु आजित भईसकेका छन्, खर्च माथि खर्च बढिरहेको छ । लाईसेन्स बन्यो की बनेन भनेर बुझ्नका लागि यातायात विभागले सञ्चालन गरेको ३३००१ मा एलसी स्पेस कोड नम्बर हालेर म्यासेज पठाउने नेपाल टेलिकमको सेवाबाट नै जनताहरु ढगिरहेको खुलासा भएको छ । एउटा म्यासेज पठाएको नै १८ रुपैया ब्यालेन्स काट्न थालेपछि विभाग र टेलिकमको मिलेमतोमा जनता ठगिको खुलेआम लुट चलिरहेको पाईएको हो ।
ADVERTISEMENT
यता थोरै समयमा धेरै स्मार्ट लाइसेन्स छाप्ने क्षमता भएको मेसिन (मास प्रिन्टर) यातायात व्यवस्था विभागमा भित्रिएको दुई महिना बित्यो तर निकै हल्लाखल्लाका साथ ल्याइएको सो मेसिन अझै प्रयोगमा ल्याईएकै छैन । यातायात मन्त्री रघुबिर महासेठले लाईसेन्स बितरणमा ढिलाई नहुने भन्दै गरेको भाषणकै खिल्लि उडाउने काम उनी मातहतको विभाग र कार्यालयहरुबाटै भईरहेको छ ।
अहिले लाइसेन्सको प्रिन्ट हुन बाँकी संख्या ६ लाखभन्दा माथि रहेको बुझिएको छ । तर विभागका ५ वटा पुरानामध्ये मुस्किलले ३ वटा मेसिनले मात्रै प्रिन्ट गरिरहेका छन् । अन्य बिग्रिएर थन्किएका छन् । चलेका मेसिनमा पनि पटक पटक समस्या आउने गरेको कर्मचारीहरु बताउँछन् ।
देशभरका १७ वटा लाइसेन्स कार्यालयबाट लाइसेन्स वितरण हुन्छ । प्रिन्ट भने काठमाडौंको मीनभवनस्थित विभागको कार्यालयमा मात्र हुन्छ । सबै कार्यालयहरुमा सेवाग्राहीको चाप रहेकाले लाइसेन्सको माग पनि ठूलो दरमा बढिरहेको छ ।
