सम्मलेन सकिनुभन्दा अगावै बंलादेशकी प्रधानमन्त्री हसिना स्वदेश फर्कने

काठमाडौं–बंलादेशकी प्रधानमन्त्री शेख हसिना वाजेद बिमस्टेक सम्मलेन सकिनु अगावै स्वदेश फर्कने भएकी छिन् ।

परराष्ट्र मन्त्रालयकाअनुसार बंलादेशकी प्रधानमन्त्री शुक्रबार बिहान ११ः४५ बजे स्वदेश फर्किने कार्यक्रम तय भएको छ ।

बंलादेशको आगामी आम निर्वाचनलाई मध्यनजर गर्दै उनी स्वदेश फर्कन लागेकी हुन् । सम्मेलनले काठमाडौं घोषणा–पत्र जारी नगर्दै हसिना वाजेद स्वदेश फर्किने भएकी हुन् ।

प्रधानमन्त्री केपी शर्मा ओलीको विशेष आग्रहमा उनी सम्मेलनका लागि भन्दै बिहिबार काठमाडौं आएकी थिइन् ।

यसअघि बिहीबार उनले बिमिस्टेक सम्मेलनको उद्घाटन सत्रमा बोल्दै बंगलादेशले आफ्नो स्वतन्त्रताको सुरुवाती दिनदेखि क्षेत्रीय संगठनमा जोड दिएको धारणा राखेकी थिइन् ।