काठमाडौं– सरकारले नेपाल खाद्य संस्थान र नेशनल ट्रेडिङ लिमिटेडलाई मर्ज गर्ने निर्णय गरेको छ ।
ADVERTISEMENT
दुईवटा कम्पनीलाई मर्ज गरेर राष्ट्रिय आपूर्ति कम्पनी बनाउने सरकारले निर्णय गरेको हो । यस्तै प्रदेशमा कर्मचारी अभाव हटाउन सिधै प्रदेश सरकारलाई कर्मचारी पठाउने निर्णय गरिएको छ ।
ADVERTISEMENT
त्यसैगरी प्रदेश मन्त्रालय वा अन्र्तगतका स्वीकृत संगठन संरचना तथा दरबन्दीमा सेवा सञ्चालन गर्ने मन्त्रालय वा केन्द्रीय निकायले कर्मचारीहरुलाई कामकाज गर्न खटाउदा राजपत्राङकित द्धितिय श्रेणी वा सो सरह वा सो भन्दा मुनीका कर्मचारीहरुलाई एकमुष्ठ रुपमा प्रदेश मुख्यमन्त्री वा प्रदेश प्रमुखको कार्यालयमा खटाउने मन्त्रिपरिषदले निर्णय गरेको छ ।
यस्तै, मन्त्रिपरिषदको बैठकले बैठकले मानव अधिकार आयोगको सिफारिस बमोजिम विभिन्न घटनाका पीडितहरुलाई क्षतिपूर्तिको रकम उपलब्ध गराउने निर्णय गरेको छ । त्यसैगरी, बैठकले जनस्वास्थ्य सेवा सम्बन्धमा व्यवस्था गर्न बनेका बिधेयक २०७५ संघीय संसदमा पेश गर्ने निर्णय समेत गरेको छ ।
