समितिको प्रतिवेदन नआएसम्म मतगणना सुचारु नहुने
काठमाडौँ– निर्वाचन आयोगले भरतपुर महानगरपालिकाको तत्काल मतगणना सुचारु नगर्ने निर्णय गरेको छ।
भरतपुर १९ को मतगणना भईरहँदा आइतबार राती केही मतपत्र च्यातिएपछि स्थगित भएको मतगणनाका विषयमा निर्णय गर्न बसेको आयोग पदाधिकारी बैठकले छानविन समिति गठन गरेको छ। र सो छानविन समितिको प्रतिवेदन नआएसम्म मतगणना सुचारु नगर्ने आयोगले जनाएको छ।
यसअघि नेपाली कांग्रेस र माओवादी केन्द्रले विज्ञप्ति जारी गर्दै भरतपुर १९मा पुन मतदान गर्नुपर्ने माग गरेका थिए। भने एमालेले च्यातिएका मतपत्रलाई छोडेर बाँकी मतपत्र गन्नुपर्ने बताएको थियो। भरतपुरका २९ मध्ये वडानम्बर १९ र २०को मतगणना हुन बाँकी थियो।