देउवाद्वारा खुमबहादुरकी पत्नीसहित ३ जनालाई कांग्रेस केन्द्रीय सदस्यमा मनोनयन

काठमाडौं– नेपाली कांग्रेसका सभापति शेरबहादुर देउवाले बिहीबार केन्द्रीय समितिमा ३ जनालाई मनोनयन गरेका छन् ।

उनले लमजुङका दिलबहादुर घर्ती, काभ्रेका शिवप्रसाद हुमागाईं र दाङकी शीला शर्मा खड्कालाई केन्द्रीय सदस्यमा मनोनित गरेका हुन् । खड्का हालै निधन भएका कांग्रेसका नेता खुमबहादुर खड्काकी पत्नी हुन् ।

देउवाले दमननाथ ढुंगाना, तीर्थराम डंगोल र हिरादत्त भट्टलाई महाधिवेशन प्रतिनिधि र महासमिति सदस्यमा मनोनयन गरेका पार्टी कार्यालयका मुख्यसचिव कृष्णप्रसाद पौडेलले जानकारी दिए ।