दक्षिणकालीमा बस दुर्घटना अपडेट : २ जनाको मृत्यु, २९ घाइते

काठमाडौं– काठमाडौको दक्षिणकालीमा बस दुर्घटना हुँदा २ जनाको मृत्यु भएको छ भने २९ घाइते भएका छन् ।

बिहीबार बिहान दक्षिणकालीबाट रत्नपार्कतर्फ आउँदै गरेको बा १ ख ९९९९ नम्बरको बस दुर्घटना हुँदा २ जनाको घटनास्थलमै मृत्यु भएको प्रहरीले जनाएको छ ।

मृत्यु हुनेमा दक्षिणकाली नगरपालिका वडानम्बर ५ का ४२ बर्षिया मन्जु बस्नेत र वडानम्बर ३ का २५ बर्षिय सुनिल श्रेष्ठ रहेका छन् ।

दुर्घटनामा २७ जना घाइते भएका छन् । अधिकाँश घाइतेहरुको अवस्था गम्भिर रहेको छ । घाइतेहरुमध्ये १४ जनाको मनमोहन अस्पताल फर्पिङमा उपचार भइरहेको छ ।

बाँकी घाइते केहीको काठमाडौँको बल्खुस्थित बयोधा अस्पताल र अन्य अस्पतालमा उपचारका लागि लगिएको छ ।

दुर्घटना के कारणले भएको हो भन्ने अनुसन्धान भइरहेको प्रहरीले जनाएको छ ।