कैलाशले ल्यायो ब्रान्ड न्यू हेलिकोप्टर

काठमाडौं– आठ जनाको संयुक्त लगानीमा स्थापना भएको कैलाश हेलिकोप्टरले फ्रान्समा निर्मित एयरबस एएस ३५० बी ३ इ हेलिकोप्टर ल्याएको छ ।

कम्पनीले ३० करोड लगानीमा ब्रान्ड न्यू हेलिकोप्टर ल्याएको हो। कम्पनीका प्रवन्ध निर्देशक प्रतापजंग पाण्डेका अनुसार नागरिक उड्ययन प्राधिकरणमा तत्कालै एयर अपरेटर सर्टिफिकेट (एओसी)को आवेदन दिइनेछ।

‘एओसी पाउनेवित्तिकै हामी उडान सुरु गर्नेछौं’ उनले भने। पाण्डे बाहेक रमेशकुमार पण्डित, सुनिल श्रेष्ठ, सिएन पाण्डे, श्रीहरि कुँइकेल, श्रीराम केसी, इश्वरी पौडेल र आशिष शेरचनको कैलाश हेलिकोप्टरमा लगानी छ। शेरचन कम्पनीका अध्यक्ष हुन्।

पाण्डेका अनुसार अर्को हेलिकोप्टर पनि चाँडैनै ल्याइनेछ।