काठमाडौँ– उपप्रधान एवं अर्थमन्त्री विष्णुप्रसाद पौडेलले अर्थतन्त्रका चुनौतीलाई सामना गर्नेगरि सरकारले बजेट ल्याएको बताएका छन् ।
ADVERTISEMENT
आइतबार प्रतिनिधिसभा बैठकमा आगामी आर्थिक बर्षको बजेटमाथि सामान्य छलफल प्रारम्भ गरियोस भन्ने प्रस्ताव प्रस्तुत गर्दै पौडेलले अर्थतन्त्रका सूचकहरु सकारात्मक हुँदै गएपनि चूनौतीहरु कायमै रहेकाले त्यसका सामना गर्नेगरि सरकारले बजेट ल्याएको बताएका हुन् ।
ADVERTISEMENT
प्रस्तुत बजेटको कार्यान्वयनबाट आर्थिक गतिविधि विस्तार हुने, निजि क्षेत्रको लगानी अभिबृद्धि हुने, रोजगार सिर्जना हुने र पूर्वाधार आयोजनाहरु निर्धारित समयमा नै सम्पन्न हुने उनले बताए ।
पौडेलले चालू पूँजिगत खर्च चालू आर्थिक बर्षको तुलनामा १६ प्रतिशतले वृद्धि गरेको जानकारी दिए । अन्तरसरकारी बित्त हस्तान्तरणमा बित्त आयोगले निर्धारण गरेको सीमाभन्दा करिब ४ अर्बले बृद्धि गरिएको, आम्दानीको मुख्य स्रोत राजस्वले समग्र खर्चको करिव ६७ प्रतिशत धान्नेगरि बजेट प्रस्ताव गरिएको उनको भनाइ छ ।
रास्वपा र राप्रपाको विरोधकाबीच आइतबारबाट बजेटमाथिको सामान्य छलफल सुरु भएको छ ।
