केआईआईटीमा भएको घटना सम्बन्धमा सदनमा जानकारी गराइयोस् : राजेन्द्र लिङ्देन

काठमाडौँ– राप्रपाले भारतको ओडिसास्थित कलिङ्गा इन्स्टिच्युट अफ इन्डस्ट्रियल टेक्नोलोजीमा भएको घटनाका सम्बन्धमा सदनमा जानकारी गराउन सरकारसंग माग गरेको छ ।

मंगलबार प्रतिनिधिसभाको बिशेष समयमा बोल्दै राप्रपा अध्यक्ष राजेन्द्र लिङदेनले प्रकृति लम्सालको शङ्कास्पद मृत्युको घटनापछि उत्पन्न परिस्थीतिका बिषयमा सामाजिक सञ्जालमा नभइ परराष्ट्रमन्त्री वा सम्बन्धीत निकायले संसदलाई जानकारी गराउनुपर्ने माग गरेका हुन् ।

उक्त घटनाको कुटनीतिक तवरले अनुसन्धान गर्न उनले बताए । अध्यक्ष लिङ्देनले देशको शैक्षिक वातावरण र भविष्य ठिक नभएकाले लाखौ विद्यार्थीहरु पठ्नका लागि विदेश जान बाध्य भएकोले सरकारले यस घटनाबाट पाठ सिक्नुपर्ने धारणा राखे ।

अहिले देशको अवस्था ठिक छैन भन्ने कुरा र छिमेकीहरुले नेपाललाई हेर्ने दृष्टिकोण पनि तल्लो स्तरको छ भन्ने उक्त घटनाबाट प्रमाणित भएको उनको भनाई छ ।