भन्सार छलेर ल्याइएका लाखौं मूल्यका समान बीओपी बरैनियाको नियन्त्रणमा

राहुल गुप्ता, बारा – सशस्त्र प्रहरी बल नेपाल बारा बीओपी बरैनियाले भन्सार छलेर ल्याइएका १लाख ८ हजार ९ सय बराबरका अवैध सामान बरामद गरेको छ ।

बुधबार बिहान बाराको बिश्रामपुर गाउँपालिका–४ बलिरामपुर सीमा ईलाकामा अवैध रुपमा भारतबाट २ जना व्यक्तिले टाउकोमा बोकी नेपालतर्फ ल्याँउदै गरेको रु ९० हजार बराबरको ९ सय पिस अत्तर र रु. १८ हजार ९ सय बराबरको विभिन्न प्रकारका पटका नियन्त्रणमा लिएको सशस्त्र प्रहरी बाराले जनाएको छ।

बिओपीबाट सशस्त्र प्रहरी निरीक्षक प्रकाश आचार्यको कमाण्डमा खटिएको टोलीलाई देख्न साथ सामान सोही स्थानमा छाडी सामान ल्याउने व्यक्तिहरु भारततर्फ फरार भएका थिए ।

बरामद सामान भन्सार बुझाउने प्रक्रियामा रहेको बिओपी बरैनियाले जानकारी दिएको छ।