पब्जी खेलाडीलाई हौसला दिन बालेन इन्डोनेसियामा

काठमाडौँ– शुक्रबारबाट शुरु हुन लागेको पब्जी मोबाइल च्याम्पियनसिपको ग्राण्ड फिनाले प्रवेश गरेका दुई नेपाली टोलीको हौसला बढाउन काठमाडौं महानगरपालिकाका मेयर बालेन शाह इन्डोनेसियाको जकार्ता पुगेका छन् ।

उनी नेपाली टोलीहरु डीआरएस गेमिङ र टीटुके समूहलाई समर्थन गर्न र हौसला बढाउन आफ्नो श्रीमतीसहित जकार्ता पुगेका हुन् ।

जकार्ताको इन्टरनेसनल एक्स्पोमा आयोजना हुने तीन दिने यो ग्र्यान्ड फाइनल प्रतियोगितामा विभिन्न देशका १६ टिमले १५ लाख डलर राशीको पुरस्कारका लागि प्रतिस्पर्धा गर्नेछन् ।

सो टिममा चीनका ३, ब्राजिलका ३, नेपालका २, टर्कीका २, मंगोलियाका २, थाइल्यान्डका २ र मलेसिया तथा इन्डोनेसियाका एक एक टोलीले प्रतिस्पर्धा गर्नेछन् ।