उम्मेदवार चयनको गुनासो बिर्सेर गठबन्धनलाई विजयी गराऔँ : महामन्त्री थापा

काठमाडौँ – नेपाली कांग्रेसका महामन्त्री गगन थापाले काठमाडौं महानगरमा एमालेले ५ वर्ष नेतृत्वको उपयोग गर्न नसकेको बताएका छन् ।

बिहीबार काठमाडौंमा कांग्रेस क्रियाशील सदस्यहरूको भेलालाई सम्बोधन गर्दै थापाले ५ वर्षमा एमालेले महानगरमा कुनै काम गर्न नसकेको आरोप लगाए ।

५ वर्षमा गरेको कामका बारेमा एमाले जनतालाई जवाफ दिनुपर्ने उनको भनाई छ । त्यस्तै उनले एमालेले हिन्दुदेखि क्रिश्चियन धर्म वकालत गर्ने दलसम्मका दलहरुसँग गठबन्धनमा उत्रिएको तर्क गरे । उनले मुलुकको परिवर्तनलाई जोगाउनकै लागि कांग्रेसले घोषितरुपमै गठबन्धन गरेको दाकी गरे ।

थापाले स्थानीय तहको निर्वाचनमा उम्मेदवार चयनमा केही गुनासो भएपनि अहिले सबै बिर्सेर गठबन्धनलाई विजयी गराउनुपर्ने जिकिर गरे ।

महामन्त्री थापाले एमालेका महानगर उम्मेदवार केशव स्थापीतले सार्वजनिक रुपमा नै महिलाहरुको अपमान गर्ने गरेकाले मतदानबाटै जवाफ दिन आग्रह गरे ।