कञ्चनपुर– शुक्लाफाँटा राष्ट्रिय निकुञ्जबाट आएको वयस्क चित्तलको कञ्चनपुरको शुक्लाफाँटा नगरपालिका– २ रानिपुरबाट उद्धार गरिएको छ ।
कुकुरले लखेट्दै ल्याएको चित्तललाई स्थानीयवासीले बचाइ निकुञ्जका कर्मचारीको जिम्मा लगाएका हुन । कुकुरको आक्रमणबाट चित्तल सामान्य घाइते अवस्थामा फेला पारेको स्थानीयवासी भरत रोकायाले जानकारी दिए।
उनले भने, “निकुञ्जका कर्मचारीलाई बोलाई जिम्मा लगाएका छौँं ।” चित्तललाई उपचार पश्चात कर्मचारीले निकुञ्जको सुरक्षित स्थानमा छाडेका छन् ।