चितवन– धुर्मुस सुन्तली फाउन्डेशनले निर्माण गर्न लागेको गौतम बुद्ध रंगशालाको स्वामित्व महानगरले लिने भएको छ । भरतपुर महानगरपालिका प्रमुख रेनु दाहालले चितवन रंगशालाको स्वामित्व महानगरले लिने रेनुको घोषणा गरेकी हुन् ।
यसका लागि महानगरपालिकाले आवश्यक प्रक्रियासमेत चालिसकेको दाहालले बताइन् । महानगरपालिकाले जग्गा उपलब्ध गराउने, सो किसिमको वातावरण निर्माण गर्ने र स्रोत जुटाएर निर्माण सम्पन्न गराउने सम्झौता भएको र सो सो सम्झौता अनुरुप सबै किसिमको दायित्वहरु महनगरले निर्वाह गरेको दाहालको भनाई छ । यसबाहेक आम व्यक्ति र चितवनवासीसंग महानगरले आर्थिक सहयोगको लागि अपिल गरेको बताउँदै उनले अघि भनिन्, ‘महानगरले आन्तरिक बजेट विनियोजन गरेर पनि धुर्मुस सुन्तली फाउन्डेशनलाई झण्डै १० करोड बजेट हस्तान्तरण गरेकै हो ।’
आर्थिक अभावका कारण निर्माण प्रक्रिया अगाडि बढ्न नसक्ने भएपछि फाउन्डेशनले महानगरलाई स्वामित्व ग्रहण गर्न भन्दै पत्राचार गरेको थियो । र, सोहि निर्णय अनुरुप महानगरले सो रंगशाला निर्माणको स्वामित्व लिने निर्णय गरेको हो ।