प्रधानन्यायाधीश जबराको लागि सर्वोच्च सुरक्षा घेराबन्दीमा कडाई, एसएसपी नै उत्रिए फिल्डमा

काठमाडौँ– प्रधानन्यायाधीश चोलेन्द्र शम्सेर जबराविरुद्ध कानुन व्यवसायीहरुको आन्दोलन चरम उत्कर्षमा पुगेका बेला सर्वोच्च अदालत परिसरमा कडाई रुपमा सुरक्षकर्मीको परिचालन गरिएको छ । यसका लागि काठमाडौं प्रहरी प्रमुख एसएसपी अशोक सिंह नै फिल्डमा उत्रिएका छन् ।

प्रधान न्यायाधीश जबराको विरोधमा बिहिवार प्रदर्शनमा उत्रिएका बारका कानुन व्यवसायीले जबरालाई शुक्रबार सर्वोच्चभित्र प्रवेश गर्न नदिने चेतावनी दिएका थिए । तीनै बारको चेतावनीलाई विफल पार्नका निम्ति आज सर्वाेच्चमा कम्तिमा चार तहको सुरक्षा घेरा सहित एसएसपी सिंह नै फिल्डमा खटिएका हुन् ।

जबराको निम्ति हाल सवोच्च भित्री र बाहिरी परिसरमा नै व्यापक मात्रामा सुरक्षाकर्मी परिचालन गरिएको छ ।

यो पनि पढ्नुहोस् :

प्रदर्शनमा प्रहरीको हस्तक्षेपपछि बारको चेतावनी : शुक्रबार प्रधानन्यायाधीशलाई सर्वोच्च छिर्नै दिन्नौँ