कारागारमै कैदीले आत्महत्या गरेको कुरा स्थानीयलाई छैन मञ्जुर

सुनसरी – जिल्ला प्रहरी कार्यालय सुनसरीको हिरासत एक युवकले आत्महत्या गरेपछि स्थानीयले विरोध गरिररहेका छन् । हिरासतमा नै मान्छे मर्न सक्ने भएपछि कारागारको सुरक्षा नभएको भन्दै स्थानीय आक्रोसित भएका हुन् ।

केही दिन अगाडि पक्राउ परेका नरसिंह गाउँपालिका–५ का हकिव मियाँले प्रहरी कार्यालयभित्रको हिरासतमा पासो लगाएर आत्महत्या गरेपछि इनरुवा बजार तनावग्रस्त भएको हो ।

यसैबीच आक्रोशित स्थानीयवासीले इनरुवा बजारमा विरोध प्रदर्शन गरेका छन् । आक्रोशित स्थानीयवासीले इनरुवा बजार बन्द गराउनुका साथै जिल्ला प्रहरी कार्यालय अगाडि टाइर बालेर प्रदर्शन गरिरहेका छन् ।