काठमाडौँ – नेपालमा बिहीबार थप ३ हजार ९ सय ३८ जनामा कोरोना संक्रमण पुष्टि भएको छ ।
ADVERTISEMENT
देशभर गरिएको ११ हजार ८७० पीसीआर परीक्षणका क्रममा ३ हजार ७ र ६ हजार ५ सय ३८ एन्टीजेन परीक्षणका क्रममा ९३१ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ ।
ADVERTISEMENT
यो संगै नेपालमा कोरोना संक्रमितको संख्या ७ लाख ७३ हजार ८६० पुगेको छ । त्यस्तै कोरोनाका थप ३७ जनाको मृत्यु भएको छ । यो संगै नेपालमा कोरोनाका कारण ९ हजार ९ सय ९४ जनाको मृत्यु भएको छ ।
त्यस्तै थप दुई हजार १२ जना कोरोनामुक्त हुँदा हालसम्म नेपालमा ६ लाख ६३ हजार ६६३ जना कोरोनामुक्त भएका छन् । हाल ३४ हजार ४२२ सक्रिय संक्रमित आइशोलेशन र ३७५ जना क्वारेन्टाइनमा छन् ।
हालसम्म नेपालमा ३६ लाख ५६ हजार ३४२ वटा पिसिआर र ३ लाख ४३ हजार ३६१ वटा एन्टीजेन परीक्षण गरिएको मन्त्रालयले जनाएको छ ।
