काठमाडौँ– छिमेक लघुवित्त वित्तीय संस्था लिमिटेडले चौथो त्रैमासिकमा ८७.२४ प्रतिशत खुद नाफा आर्जन गरेको छ । अघिल्लो आर्थिक वर्षको सोही अवधिमा खुद नाफा ६४ करोड ९२ लाख ४० लाख रुपैयाँ आर्जन गरेको लघुवित्तले हाल १ अर्ब २१ करोड ५६ लाख ३३ हजार रुपैयाँ आर्जन गरेको हो ।
ADVERTISEMENT
यस्तै, लघुवित्तको खुद ब्याज पनि राम्रो प्रगति गरेको देखिएको छ । जसअन्र्तगत गत असार मसान्तसम्ममा गरेको आम्दानी १७.७५ प्रतिशतले वृद्वि भई २ अर्ब ६ करोड ५१ लख ४९ हजार रुपैयाँ पुगेको छ । अघिल्लो आवको सोही अवधिमा लघुवित्तको खुद ब्याज आम्दानी १ अर्ब ७५ करोड ३८ लाख ९ हजार रुपैयाँ रहेको थियो ।
ADVERTISEMENT
समीक्षा अवधिमा सञ्चालन मुनाफा ५१.८३ प्रतिशत बढेर १ अर्ब ३२ करोड २० लाख ९ हजार रुपैयाँ रहेको छ । अघिल्लो आवको सोही अवधिमा लघुवित्तको सञ्चालन मुनाफा ८७ करोड ७ लाख ११ हजार रुपैयाँ रहेको थियो ।
अघिल्लो आवमा लघुवित्तको सम्भावित जोखिम बापतको व्यवस्थामा ४७ करोड ५७ लाख २३ हजार रुपैयाँ छुट्याएकोमा गत असार मसान्तसम्म ७।४६ प्रतिशत बढाएर सम्भावित जोखिम बापतको व्यवस्थामा ५१ करोड १२ लाख रुपैयाँ छुट्याएको छ । यस अवधिमा लघुवित्तले ५७ करोड १३ लाख २९ हजार रुपैयाँ खराब कर्जा उठाएको छ ।
समीक्षा अवधिसम्म लघुवित्तको चुक्ता पूँजी २२ प्रतिशत बढेर १ अर्ब ८३ करोड रुपैयाँ, जगेडा कोष ८४.२२ प्रतिशत बढेर ३ अर्ब १२ करोड १५ लाख ३८ हजार रुपैयाँ, सापटी ५२।४२ प्रतिशत बढेर ६ अर्ब २१ करोड ३ लाख ८ हजार रुपैयाँ, निक्षेप २०.२२ प्रतिशत बढेर २२ अर्ब ४३ करोड ९३ लाख ७६ हजार रुपैयाँ र कर्जा २९.६१ प्रतिशत बढेर २५ अर्ब १० करोड ९८ लाख ७४ हजार रुपैयाँ रहेको छ ।
लघुवित्तको प्रतिशेयर आम्दानी अर्थात ईपीएस २३ रुपैयाँ १५ पैसा बढेर ६६ रुपैयाँ ४३ पैसा छ । अघिल्लो आवको सोही अवधिमा लघुवित्तको प्रतिशेयर आम्दानी ४३ रुपैयाँ २८ पैसा रहेको थियो । लघुवित्तको मूल्य आम्दानी अनुपात २६।१६ गुणा रहेको छ भने प्रतिशेयर नेटवर्थ २३१ रुपैयाँ ८५ पैसा रहेको छ ।
