जीवन विकास लघुवित्तको आईपीओ आवेदक १० गुणा बढि, नाघे १३ लाख

काठमाडौं– शुक्रवारदेखि मात्रै खुला गरिएको जीवन विकास लघुवित्त वित्तीय संस्था लिमिटेडको आईपीओ भर्ने आवेदक संख्या मागभन्दा १०.८४ गुणा बढि देखिएको छ ।

निष्कासन तथा बिक्री प्रबन्धक एनएमबि क्यापिटल लिमिटेडका अनुसार आइतबार बिहान १०ः३० बजेसम्ममा मात्रै आवेदक संख्या १३ लाख नाघेको हो ।

१३ लाख १५ हजार ३१० जनाले २ करोड ३८ हजार ९४० कित्ता सेयरका लागी झण्डै २ अर्ब ३८ लाख ९४ हजार रुपैयाँ बराबरको सेयरका लागी आवेदन दिएका छन् ।

कुल पुँजीको ०.५ प्रतिशतले हुन आउने ३० हजार ४२० कित्ता संस्थाका कर्मचारीहरुलाई र सर्वसाधारणका लागि जारी गर्न लागेको पुँजीको ५ प्रतिशतले हुन आउने ९८ हजार ८६५ कित्ता सामुहिक लगानी कोषका लागि र बाँकी १८ लाख ४८ हजार १५ कित्ता सर्वसाधारणका लागि छुट्याइएको आइपिओ प्रतिकित्ता १०० रुपैयाँ अंकित दरका कूल १९ करोड ७७ लाख ३० हजार रुपैयाँ बराबरको १९ लाख ७७ हजार ३ सय कित्ता आईपीओ निष्कासन तथा बिक्री खुल्ला गरेको थियो ।

उक्त आईपीओमा लगानीकर्ताहरुले न्यूनतम १० कित्ता र अधिकतममा १ हजार कित्ताका लागि छिटोमा असार १५ गते र ढिलोमा असार २५ गतेसम्म आवेदन दिन सक्ने जनाइएको छ ।