काठमाडौँ – बुद्ध एयरले एटीआर–७२ जहाजबाट काठमाडौं–तुम्लिङटार परीक्षण उडान गरेको छ । बुद्ध एयरले शुक्रबार उक्त परीक्षण उडान सफल गरेको हो ।
परीक्षण उडानमा क्याप्टेन रञ्जनकुमार शर्मा तथा नागरिक उड्डयन प्राधिकरणका पदाधिकारी भोलाप्रसाद गुरागाई, डेपुटी डाइरेक्टर जनरल, क्याप्टेन दधिराम निरौला, इन्सपेक्टर, फ्लाइट अपरेशनलगायत बुध्द एयरका अपरेशन तथा टेक्निकल टिमका अधिकारीहरु सामेल थिए ।
एटीआर–७२ जहाजको सञ्चालन खर्च कम हुने र यात्रु पनि बढी बोक्ने हुँदा हवाई भाडा अझ सहज र सरल हुने बुद्ध एयरले विश्वास व्यक्त गरेको छ ।