कोरोना संक्रमण दर बढेसंगै सरकारद्वारा सभा, जुलुस, गोष्ठीमा रोक

काठमाडौँ– कोरोना संक्रमणको दर पुनः बढ्दो क्रमलाई मध्यनजर गर्दै सरकारले देशभर जुलुस, सभा, गोष्ठी, र्‍याली, भेला, जमघट, सेमिनार तथा बैठकमा रोक लगाएको छ ।

यस्ता गतिविधिले भिडभाड जम्मा गर्ने र संक्रमण सजिलै फैँलिने भय रहेको भन्दै स्वास्थ्य तथा जनसंख्या मन्त्रालयले आइतबार विज्ञप्ति जारी गर्दै सो जानकारी दिएको हो ।

पछिल्लो पटक विशेषगरी छिमेकी मुलुकहरुमा कोरोना संक्रमणको दर बढ्दो रहेको छ । त्यसको प्रभाव नेपालमा पनि स्वतः देखिने भएकोले त्यसतर्फ ध्यानाकार्षण गर्दै मन्त्रालयले सो विज्ञप्ति जारी गरिएको जनाएको छ ।

यस्तै, मन्त्रालयले मास्क लगाउने, सामाजिक/भौतिक दूरी कायम गर्ने, पटक–पटक हात धुने वा सेनिटाईजरको हात धुनेजस्ता जनस्वास्थ्य सुरक्षाका मापदण्डहरु अपनाउन आग्रह समेत  गरेको छ ।