एजेन्सी – सार्वजनिक स्थानमा बुर्का लगाउने र अनुहार ढाकिने कपडामाथि प्रतिबन्ध लगाउने श्रीलंकाको फैसलामाथि पाकिस्तानले आपत्ति जनाएको छ ।
श्रीलंकामा १४ मार्चमा राष्ट्रिय सुरक्षालाई उद्धृत गर्दै बुर्कामाथि प्रतिबन्ध लगाइएको थियो । श्रीलंकाका जन सुरक्षा मन्त्री सरथ वीविरासेकाराले बीबीसीसँग भनेका थिए कि उनले यसलाई लिएर मन्त्रिपरिषद् आदेशमा हस्ताक्षर गरिसकेका छन् र अब संसदको अनुमति आवश्यक रहेको छ ।
पाकिस्तानले श्रीलंकाको उक्त फैसलाले श्रीलंकामा रहेका सम्पूर्ण मुसलमान र विश्वमा रहेका मुसलमानको भावनामाथि आघात हुने बताएको छ । श्रीलंकाका लागि पाकिस्तानका हाइ कमिस्नर साद खट्टकले ट्वीट गर्दै भनेका छन्, ‘एक त महामारीका कारण श्रीलंका आर्थिक संकटको सामना गरिरहेको छ । अर्कोतर्फ अन्तर्राष्ट्रिय स्तरमा आफ्नो छबिलाई लिएर पनि घेरामा छ । यस्तोमा आर्थिक संकटका अलावा सुरक्षाको नाममा यस्तो विभाजनकारी कदमबाट श्रीलंकामा अल्पसंख्यकको मानवअधिकारको प्रश्नलाई थप मलजल गरेको छ ।’
अघिल्लोे महिना मात्रै पाकिस्तानका प्रधानमन्त्री इमरान खानले श्रीलंकाको भ्रमण गरेका थिए ।
https://t.co/BjrnFSoesO
The likely ban on Niqab #SriLanka will only serve as injury to the feelings of ordinary Sri Lankan Muslims and Muslims across the globe. At today’s economically difficult time due to Pandemic and other image related challenges faced by the country— Ambassador Saad Khattak (@SaadKhtk) March 15, 2021