यो सरकारले विकास मात्रै गर्यो, लुटतन्त्र र भ्रष्टाचार गरेन : मुख्यमन्त्री पौडेल

चितवन – वाग्मती प्रदेशका मुख्यमन्त्री डोरमणि पौडेलले सरकारले समृद्धिको यात्रा अघि बढाएको बताएका छन् ।

नेपाल कम्युनिष्ट पार्टी (नेकपा) चितवनद्वारा आयोजित जनसभामा उनले सरकारले विकास निर्माणका काम मात्रै गरेको, लुटतन्त्र र भ्रष्टाचार नगरेको बताए । ‘यो सरकारले विकास मात्रै गर्यो, लुटतन्त्र र भ्रष्टाचार गरेन,’ उनले भने, ‘हामी कहिल्यै चुकेनौँ ।’

प्रधानमन्त्री केपी शर्मा ओली नेतृत्वको सरकार ‘समृद्ध नेपाल, सुखी नेपालीको’ महत्वकांक्षी योजना पूरा गर्न लागि परेको बताउँदै उनले सरकारले इतिहासमै उपलब्धिमूलक काम गरेको बताए ।