काठमाडौँ – झण्डै दुई दशकदेखि पत्रकारिता क्षेत्रमा सक्रिय सुनिल कोइरालाको गीती संग्रह सुनिल विमोचन भएको छ । बुधबार एक कार्यक्रमका बीच टेलिभिजनकर्मी तथा फिल्म/म्यूजिक भिडियो निर्देशक भूषण दाहालले ‘सुनिल’को बिमोचन गरेका हुन् ।

पुस्तकको विमोचन गर्दै कार्यक्रमका प्रमुख अतिथी तथा टेलिभिजनकर्मी दाहालले सुनिलका प्रायः गीतहरु सरल र सुन्दर भएको भएको बताए । “प्रविधिले साथ नदिए पनि कतिपय गीतहरु सुनिरहुँ लाग्ने हुन्छन् र मेरो अनुभवमा ती गीतहरु सरल छन् ।” उनले भने, “सुनिलमा संग्रहित कतिपय रेकर्ड नभएका गीत अत्याधिक सरल र कालजयी हुने गीतहरु छन् ।”


ADVERTISEMENT

# # #


यस्तै फिल्म निर्देशक मनोज पण्डितले गीति संग्रहमा प्रजातन्त्र प्राप्त भएपछि विकास भएको चेतना स्तरलाई मध्यमवर्गीय परिवारको आँखाबाट आफ्नो भाव व्यक्त गर्न गीतकार सुनिल सफल भएको बताए । यस्तै सञ्चारकर्मी सुशील अर्यालले सुनिल पहिल्यैदेखि सिर्जनशील भएकोले लामो समयदेखि स्थिर रहेको साहित्यिक यात्रा अब सुरु भएको भन्दै यो यात्रामा निरन्तर दौडन आग्रह गरे ।

सो अवसरमा सञ्चारकर्मी कोइरालालजे राष्ट्रकवि माधव घिमिरे, वरिष्ठ गीतकार रत्नशमशेर थापा, संगीतकार अम्बर गुरुङ लगायतको प्रेरणबाट नै गीतिसंग्रह प्रकाशन गर्न हौसला मिलेको बताए ।

९९ गीतहरुको संग्रह रहेको गीति संग्रह स्कुल अफ लिडर्स प्रा.लि.ले प्रकाशन गरेको हो ।

प्रतिकृया

प्रतिकृया