काठमाडौँ – जनता समाजवादी पार्टीका नेता तथा पूर्वप्रधानमन्त्री डा. बाबुराम भट्टराईले सरकारले राष्ट्रपति विद्यादेवी भण्डारीमार्फत जारी गरेको संवैधानिक परिषद् सम्बन्त्री अध्यादेशको विरोध गरेका छन् ।
सरकारले ल्याएको विधेयक विनाशकारी रहेको भन्दै उनले तत्काल संसदको अधिवेशन बोलाउन माग गरेका छन् । विधेयक लागू भएपछि संवैधानिक निकायहरुमा प्रधानमन्त्री केपी शर्माओलीको खल्तीबाट मान्छे भरिने भएकाले त्यसलाई रोक्नुपर्ने उनले बताएका छन् ।
उनले वलिदान मार्फत स्थापित गणतन्त्रको चीरहरण गरेर प्रतिगमनको आधार तयार गरिनै लागेको हो त भन्दै प्रश्न समेत गरेका छन् ।
डा. भट्टराईले ट्वीटरमा भनेका छन्, ‘त्यसै त निम्छरा संवैधानिक आयोग,अब अध्यादेश मार्फत बनेको तीनजनाको ओली परिषद्ले ओलीका खल्तीबाट निस्केका नाम राखेर भरेपछि कस्तो बन्लान् ? त्यत्रो वलिदान मार्फत स्थापित गणतन्त्रको चीरहरण गरेर प्रतिगमनको आधार तयार गरिनै लागेको हो त ? अर्को विनाशकारी अध्यादेश अघि नै संसद अधिवेशन बोलाऊँ ।
त्यसै त निम्छरा संवैधानिक आयोग,अब अध्यादेश मार्फत बनेको तीनजनाको ओली परिषद्ले ओलीका खल्तीबाट निस्केका नाम राखेर भरेपछि कस्तो बन्लान्? त्यत्रो वलिदान मार्फत स्थापित गणतन्त्रको चीरहरण गरेर प्रतिगमनको आधार तयार गरिनै लागेको हो त?अर्को विनाशकारी अध्यादेश अघि नै संसद अधिवेशन बोलाऊॅ!।
— Baburam Bhattarai (@brb1954) December 15, 2020