स्वास्थ्यलाई ध्यान दिँदै दशैं मनाउन मन्त्री ढकालको अपिल

काठमाडौं । स्वास्थ्यमन्त्री भानुभक्त ढकालले स्वास्थ्यको मापदण्ड पूर्णरुपमा पालना गरेर दसैं मनाउन अपिल गरेका छन् ।

कोरोना महामारीका कारण जनस्वास्थ्यको मापदण्ड पूर्ण पालना गर्नुपर्ने भएकाले दसैं सीमित रुपमा मनाउनुपर्ने बाध्यकारी अवस्था सिर्जना भएको भन्दै परिस्थितिको बाध्यता अनुरुप नै चाडपर्व मनाउन मन्त्री ढकालले अपिल गरेका हुन् ।

‘विगतमा पनि हामीले स्वास्थ्यलाई ध्यान दिने, मित्रतालाई ध्यान दिने, सामाजिक शान्तिलाई ध्यान दिने, छिमेकीलाई प्रतिकूल असर नपरोस् भनेर ध्यान दिने गर्ने गरेकै हौँ । यस पटक कोरोना महामारीका कारण यस विषयमा अझै बढी ध्यान दिनुपर्ने देखिएको छ,’ दसैंको अवसरमा शुभकामना सन्देश दिँदै मन्त्री ढकालले भने, ‘हामीले नेपाल सरकार स्वास्थ्य तथा जनसंख्या मन्त्रालयले जारी गरेको स्वास्थ्य मापदण्ड अनुसारको व्यवहार गर्यौं भने कोरोबाट बच्न सघाउ पुग्दछ । यसकारण म सम्पूर्णमा यसमा अलि बढी नै ध्यान दिन अनुरोध गर्दछु ।’

सबै तहका सरकार, राजनीतिक दलहरू, समूदाय, नागरिक समाज, निजी क्षेत्रबाट निरन्तर सहयोगको अपेक्षा गर्दै मन्त्री ढकालले एकताले महामारीविरुद्धको हाम्रो विजय सम्भव हुने विश्वास व्यक्त गरेका छन् ।

स्वास्थ्यलाई ध्यान दिँदै दशैं मनाउन मन्त्री ढकालको अपिल

ताजा खबर