वीरगञ्ज- पीसीआर किटको अभावका कारण वीरगञ्जको नारायणी अस्पतालले ११ सय भन्दा बढी स्वाबको नमूना परीक्षणका लागि काठमाडौंको टेकुस्थित राष्ट्रिय जनस्वास्थ्य प्रयोगशाला पठाएको छ ।
समयमा पीसीआर किट नआउँदा स्वाब परीक्षणमा ढिलाई हुने भएकाले काठमाडौं पठाएको अस्पतालका प्रमुख मेडिकल सुपरिटेन्डेन्ट डा.मदन कुमार उपाध्यायले बताए।
मंगलबार नारायणी अस्पतालको प्रयोगशालाबाट ११ सय भन्दा बढी स्वाबको नमूना परीक्षणको लागि काठमाडौं पठाइएको हो । बारा र रौतहटमा संकलन गरिएका स्वाब पनि नारायणी अस्पतालको प्रयोगशालामा परीक्षण हुँदै आएको छ ।