प्रधानमन्त्री ओलीद्वारा कुवेतका समकक्षीलाई फोन, कुवेतमा रहेका नेपालीबारे चासो

काठमाडौँ – प्रधानमन्त्री केपी शर्मा ओली र कुवेतका प्रधानमन्त्री सबाह अल खालिद अल सबाहबीच टेलिफोन संवाद भएको छ ।

विदेशमा कार्यरत नेपालीहरुको सुरक्षा र उपचारबारे चासो दिने क्रममा प्रधानमन्त्री ओलीले मंगलबार साँझ कुवेतका प्रधानमन्त्रीसँग टेलिफोनमा कुराकानी गरेका हुन्। कोरोना भाइरसको विश्वव्यापी सङ्क्रमणका समयमा त्यहाँ कार्यरत नेपालीको सुरक्षा र कल्याणको बारेमा आफूले चासो राखेको प्रधानमन्त्री ओलीले बताएका छन् ।

जवाफमा कुवेतका प्रधानमन्त्रीले नेपालीहरुलाई कुनै पनि अप्ठ्यारो पर्न नदिने र उनीहरुको उपचारमा खुल्ला दिलले सहयोग गर्ने प्रतिबद्धता व्यक्त गरेको ट्विट मार्फत जनाएका छन् ।

This afternoon I called His Highness the Prime Minister of #Kuwait to inquire about the safety and welfare of the Nepali nationals working in Kuwait.

— K P Sharma Oli (@kpsharmaoli) April 7, 2020