एजेन्सी – हिउँमा पुरेको १८ घण्टापछि एकजना किशोरीलाई जिवितै उद्धार गरिएको छ । पाकिस्तान नियन्त्रित काश्मिरमा हिमपातमा पुरिएकी एक १२ वर्षीया किशोरीको उद्धार गरिएको हो ।
रोयटर्ससँग कुराकानी गर्दै समीना बिबिले हिमपातमा घर पुरिएपछि सहयोगका लागि चिच्याएर बसेको बताइन्। उद्धार हुनुअघि आफू घरभित्रै मर्ने सोचेको बताइन्।
पाकिस्तानी नियन्त्रित काश्मिरको निलम उपत्यकामा हिमपातले हालसम्म कम्तिमा ७४ जनाको मृत्यु भइसकेको छ । हिमपातले भारत प्रशासित काश्मिर र अफगानिस्तानको केही भूभाग पनि प्रभावित भएको छ ।
हिमपातमै फसेकि समीनालाई बकवाली गाउँबाट उद्धार गरियो । उनलाई मुज्जफराबादस्थित एक अस्पतालमा उपचारका लागि भर्ना गराइएको छ । उनकी आमा शहनाज बिबिले हिम पहिरो आउनु अघि घरका सबै सदस्यहरु तीन तले घरमा आगो तापेर बसेको बताइन् । आँखा झिमिक्क पार्दा घर नै पुरिसकेको थियो । उनले छोरीको जिवितै उद्धार हुने आशा आफूहरुले त्यागिसकेको बताइन् ।
सरकारी अधिकारीहरुले हिमपातमा कम्तिमा एकसय जनाको मृत्यु भइसकेको जनाएको छ । भारत प्रशासित काश्मिरमा पनि हिमपातमा कम्तिमा आठ जनाको मृत्यु भइसकेको छ ।