वीरगञ्जमा मिसेलिन टायरको नँया सोरुम सञ्चालन

काठमाडौँ – वीरगञ्जको बाईपास रोडमा मिसेलिन टायर ब्राण्डको नँया सोरुम सञ्चालनमा आएको छ । नेपालस्थित आधिकारिक विक्रेता सिप्रदी अटोपार्टस प्रा.लि. ले उक्त ब्राण्डको नँया सोरुम सञ्चालनमा ल्याएको हो ।

“जय मा दुर्गा टायर हाउस“ नामक यस सोरुमको उद्घाटन कम्पनीका वरिष्ठ महाप्रबन्धक यूवराज बुढाथोकीले एक कार्यक्रमबीच गरेका थिए ।

ग्राहकवर्ग एवं रिटेलरहरुको उपस्थिति रहेको उक्त समारोहमा सोरूमका संचालक मदन प्रसाद यादवलाई विक्रेता नियुक्ति सम्बन्धि प्रमाणपत्र वितरण गरिएको थियो । साथै सोरुम उद्घाटनको अवसरमा ग्राहकहरुलाई एक जोडी मिसेलिन टायरको खरिदमा एउटा ज्याकेट निः शुल्क प्रदान गरिएको छ ।

जय मा दुर्गा टायर हाउसमा कमर्सिअल (ट्रक, टिपर, बस आदि) र पेसेन्जर (इभी, एसयुभी आदि) गाडीहरुको लागि विभिन्न मोडेलका मिसेलिन टायरहरु उपलब्ध छ ।

मिसेलिन ब्रान्ड विश्वको नम्बर एक टायर ब्राण्डको रुपमा परिचित छ ।