पुनःसंरचनामा चित्त नबुझेपछि स्थानीय तहको निर्वाचनलाई ‘नो भोट नो क्यान्डिडेट’ भन्दै बहिष्कार गरेका साबिक तिङ्ला गाविस ९हालको नेचासल्यान गाउँपालिका–६०का स्थानीयले प्रदेश र सङ्घको निर्वाचनमा सहभागी नहुने सम्भावना बढ्दै गएको छ । उनीहरूको माग सम्बोधनको कुनै छनक नपाएपछि यस्तो सम्भावना बढेको स्थानीय बताउँछन् । यो खबर सन्तोष राउतले आजको गोरखापत्र दैनिकमा लेखेका छन्।स्थानीय तहको पुनःसंरचनामा असन्तुष्टि जनाउँदै आन्दोलनसमेत गरेका तिङ्लावासीले यस पटक पनि माग सम्बोधन नभए अब हुने निर्वाचनमा समेत भाग नलिने बताएका छन् । सोलुखुम्बुको तिङ्लालाई नेचा सल्यान गाउँपालिकामा समावेश गरेर उत्पीडनमा पारेकोमा आन्दोलन गर्दै चुनाव बहिष्कार गरेका थिए । सदरमुकाम पुग्न बढीमा २० मिनेटको मोटर बाटो छ भने हालको गाउँपालिकाको केन्द्र पुग्न कम्तीमा पनि पाँच घण्टा लाग्छ । काठमाडौँलाई तिङ्ला हुँदै सदरमुकामसम्मको सडकले जोडेको छ भने सो गाउँपालिका केन्द्र पुग्न भने भिरपहराको कच्ची सडक पार गर्नुपर्ने हुन्छ ।
ताजा खबर
- संविधानमा रहेका कमजोरीको समीक्षा र सुधार हुनुपर्छ : पूर्व सभामुख ढुङ्गाना
- मधेश प्रदेशमा १० महिनामा आगलागीबाट १९ जनाको मृत्यु
- जलेश्वर नगरपालिकाका प्रमुखसहित १२ जनाविरुद्ध भ्रष्टाचारको मुद्दा दायर
- त्रियुगामा गौरवको आयोजनाको रुपमा लिइएको शहरी सडक निर्माण कार्यान्वयनमा
- कोशी प्रदेशका नवनियुक्त मुख्यमन्त्री कार्कीले लिए सपथ