काठमाडौँ – इटहरी नगरपालिकाका मेयर द्वारिकलाल चौधरीले ‘पत्रकारको नाकको हड्डी भाँच्न एक करोड छुट्याएको छु’ भन्ने विवादास्पद अभिव्यक्ति फिर्ता लिएका छन् ।
चौतफी आलोचना भएपछि मेयर चौधरीले आइतबार एक विज्ञप्ती जारी गर्दै आफूले दिएको धम्की फिर्ता लिएको बताएका हुन् । विज्ञप्तीमा उनले आवेगजन्य परिस्थितिका कारण आफूले त्यस्तो भन्न पुगेको स्पष्टिकरण दिएका छन् । उनले भनेका छन्, ‘मेरो भनाइहरुबाट उहाँ र सञ्चार जगतमा पर्न गएको चोटप्रति दुःख व्यक्त गर्दै प्रेस जगतलाई आघात गर्न गएकोमा व्यक्त विचार फिर्ता लिन चाहन्छु ।’
इटहरी उपमहानगरपालिका प्रेस स्वतन्त्रताको पक्षमा रहेको भन्दै उनले संवैधानिक हकप्रतिपनि प्रतिवद्ध रहेको बताएका छन् । उनले आफू उदण्ड नभई अनुशासित व्यक्ति भएको र सञ्चार जगतप्रति चोट पुर्याउने आफ्नो मनशाय नभएको समेत बताएका छन् ।
मेयर चौधरीले भ्रष्टाचारविरुद्ध शून्य सहनशीलताको अभियान जारी रहेको र यसमा सञ्चार माध्यमको रचनात्मक भूमिका चाहिने बताएका छन् ।
यस्तो छ मेयर र्चौधरीले जारी गरेको विज्ञप्ती :